Politique

Antoko Otrikafo Hanao hetsika hanoherana an�ny Dr Simao

Politique
Zoma 19 Aogositra 2011

Vao nanomboka nidiran�ny vahiny ny fikaroham-bahaolana hamahana ny krizy eto amin�ny firenena no efa nanohitra izany ny antoko Otrikafo.

Efa in-droa no nilanja sorabaventy tetsy Anosy anoloan’ny hotely Carlton milaza ny tsy fankantoavany ny ny fidiran’ny SADC amin’ny raharaha tokatranon’ny Malagasy ity antoko ity ka nifanindrify hatrany amin’ny fandalovan’ny Dr Leonardo Simao eto an-toerana ny fotoana nanatanterahany izany. Milaza ny mbola hamerina fanintelony izany hetsika fanoherena ny SADC sy Dr Simao ireo mpikambana Otrikafo tarihin’ny filohany Rajaonah Andrianjaka ny alarobia 24 aogositra izao manomboka amin’ny folo ora maraina. “Miteraka fanakorontana hatrany ny fahatongavan’ireo vahiny ireo eto amintsika, izay mbola mampihitsoka ny firenena hatramin’izao satria tsy mahalala, ny tena zava-misy marina eto akory izy ireo”, hoy Rajaonah Andrianjaka. Tsy ny mpanelanelana na koa ny vahiny ihany no nahazo tsikera henjana avy amin’ity farany fa ireo mpanao politika Malagasy rehetra miantehatra amin’ny fianakaviambe iraisam-pirenena koa.

Yves