Politique

Partagé sur :
• facebook

Miteraka adihevitra taorian`ny famoahan`ny CENI ny tetiandrom-pifidianana ny fampiakarana ny vola alaina amin`ny kandidà ho solombavambahoaka.

 Raha ny fanazavana nentin`ny filohan`ny antoko Avotse Tanendraza Madagasikara (ATM), Robert Razaka, mavesatra ny fampitomboana avo folo heny ny anto-bola harotsak`ireo izay mikasa hirotsaka kandidà depiote satria efatra hetsy ariary lasa dimy tapitrisa ariary. Tsy maintsy mila fahefana avy amin`ny vahoaka mba handraisana andraikitra amin`ny fampandrosoana sy anjara biriky amin`ny fanarenana ny firenena kanefa be loatra ilay anto-bola takiana kanefa hiezaka hijery namana te hiara-kiasa aminy ny antoko ATM. Mahakasika ny fandaniana amin`ny fampielezan-kevitra dia nilaza Atoa Robert Razaka fa arakaraka ny tanàna ny teti-bola hampiasaina. Misy handany miliara  ny mpifaninana hafa fa ny an`ny antoko ATM kosa tapitrisa vitsivtsy. Nomarihany fa misy distrika kely tsy dia zatra vola, na mila aza vola kelikely, fomban-drazana no ilazana azy. Any amin`ireo tanàn-dehibe kosa no zatra vola ny olona ka tsy ilana miresaka foto-kevitra amin`ireny toerana ireny. Nanentana ny olom-pirenena ny antoko ATM mba hanamarina ny anarany ao anatin`ny lisi-pifidianana eny anivon`ny biraom-pokontany. Ny loholona teo aloha Robert Razaka dia tsy vaovao amin`ny tontolo politika fa ny antoko no mbola vaovao na dia efa misandrahaka manerana ny nosy aza ny mpikambana ao aminy.

Marigny A.

Tia Tanindrazana

Samia mijoro ho an'i Gasikara.