Politique

Antenimierandoholona-Banky Iraisam-pirenena Hifanome tanana hampiroborobo ny fambolena sy indostria

Politique
Zoma 03 Jona 2016

Nihaona tamin�ny Filohan�ny Antenimierandoholona Honor� Rakotomanana tetsy amin�ny Lapan�Anosikely omaly alakamisy 2 Jona ny Solontena avy amin�ny Banky Iraisam-pirenena miasa sy monina eto Madagasikara Ramatoa Coralie Gevers.

Ity no fihaonana voalohany teo amin’ny roa tonta. Zava-dehibe, hoy Rtoa Coralie Gevers ny fiverenan’ny Antenimierandoholona, andrimpanjakana izay mampisy ny Demokrasia eto Madagasikara ary mampanjaka indray ankehitriny ny fangaraharahana sy mampisy ny tamberin’andraikitra eto amin’ny firenena Malagasy. Notsindriany manokana fa laharam-pahamehana ny fiaraha-miasa eo amin’ny roa tonta, dia ny Banky Iraisam-pirenena sy ity Andrimpanjakana faharoa ity.

Rakotomanana Honoré kosa dia nanatsidika fa ny hahasoa an’i Madagasikara no jerena ka miasa ho an’ny Vahoaka sy ny Firenena ny Antenimierandoholona, ary ny fikatsahana Fampandrosoana ho an’i Madagasikara amin’ny sehatry ny Fambolena sy Indostria no nisongadina tamin’izany.

Jean D.