Politique

Antenimieram-pirenena Tsy maika hifidy ireo ho solontenany ao amin�ny HCC

Politique
Talata 29 Jolay 2014

Hitodika eny Tsimbazaza indray ny sain�ny mpanara-baovao maro manomboka rahampitso. Hivory tsy ara-potoana ireo Solombavambahoaka. Hanomboka amin�ny alarobia 30 jolay ny fivoriana, tsy voalaza kosa ny faharetany

. Raha mandinika tetibola dia 15 andro raha fohy indrindra ny fe-potoam-pivorian’ny Antenimieram-pirenena, araka ny voalazan’ny lalàmpanorenana. Raha tsy misy ny fiovana dia ho anisan’ny lahadinika amin’ity fivoriana tsy ara-potoana ity ny fanitsiana ny lalàna mifehy ny fitantanam-bola sy ny tetibola taona 2014 ankoatra ireo lalàna hifehy ny vondrombahoakam-paritra avy nanaovana fikaonandoham-pirenena teny amin’ny CCI Ivato farany teo. Fa ankoatra io dia fantatra izao fa tsy ho anisan’ny lahadinika amin’io fivoriana tsy ara-potoana io ny fifidianana ireo solontena roa an’ny Antenimieram-pirenena ho mpikambana eo anivon’ny Fitsarana avo momba ny lalàmpanorenana (HCC), raha efa voatendry kosa ireo solontena telon’ny Filohan’ny Repoblika, ary efa voafidy, fa miandry didim-panjakana fanendrena, ireo solontena roa an’ny Filankevitra ambony momba ny Mpitsara. Tsiahivina fa miisa sivy ny mpikambana eo anivon’ny HCC araka ny voafaritra ao anatin’ny lalàmpanorenana malagasy.