Politique

Antananarivo Renivohitra Kapitalin�ny ranomasina indianina

Politique
Talata 06 Desambra 2016

Hanomboka anio talata 6 desambra eto Antananarivo renivohitr�i Madagasikara ny fivoriambe tsy ara-potoanan�ireo tan�n-dehibe sy ireo vondrom-bahoaka aty amin�ny faritry ny Ranomasimbe Indiana na AVCOI (Association des Villes et Collectivit�s de l�Oc�an Indien), ka tsy hifarana raha tsy ny alakamisy 8 desambra ho avy izao.

Efa nanomboka ny alahady teo, nitohy omaly sy anio ny fahatongavan’ireo vahiny manan-kaja handray anjara avy amin’ireo tanàn-dehibe aty amin’ny faritry ny Ranomasimbe Indiana toy ny avy atsy Maurice, La Réunion, Seychelles, Comores, Mayotte, misy koa ny avy any Frantsa. Ankoatra azy ireo, handray anjara amin’ny fivoriana ny Ben’ny tanàna sy ireo tompon’andraikitra amin’ny vondrom-bahoakam-paritra avy amin’ny tanàn-dehibe eto Madagasikara. Ho kapitalin’ny ranomasina indianina Antananarivo Renivohitra mandritra ny telo andro. Hiompanan’izao fihaonana izao ny fanavaozana indray ny biraon’ny AVCOI, eo ihany koa ny dinika ho amin’ny fampandrosoana amin’ireo tanànan-dehibe mpikambana. Mpanohana ara-teknika sy ara-bola izao fihaonana iraisam-pirenena karakarain’ny kaominina Antananarivo Renivohitra izao, ny fikambanan’ireo Ben’ny tanàna avy amin’ny tany miteny Frantsay sy ny Vondrona Eoropeanina.

Jean D.