Politique

Ankolafy Zafy sy ny Toliara Mijoro Manameloka ny fanalana ny minisitry ny tontolo iainana

Politique
Alarobia 18 Aprily 2012

Nivoitra tamin’ny fanambarana nataon’ny firehana Zafy Albert Atsimo Andrefana sy ny antoko politika Toliara Mijoro, nandritra ny fihaonan’ny tamin’ny mpanao gazety, omaly talata 17 aprily 2012, fa “fanapahan-kevitra tsy am-pahendrena sady tsy fitiavan’olona ary fanavakavahana no noraisin’ny filohan’ny tetezamita Andry Rajoelina, nanala ny minisitry ny tontolo iainana, ny Dr Randriamiandrisoa Joseph”. Nilaza sy nanamafy nandritra io fihaonana tamin’ny mpampahalala vaovao io i Tsimilamaro Vahinisoa, mpiara-mitantana fa “manameloka tanteraka ny fanalana ny minisitry ny tontolo iainana avy amin’ny Ankolafy Zafy Albert noho ny tsy fanajana ny sori-dalana misy niaraha-nanao sonia, famoronana olana ara-politika vaovao indray ary fanaovana tsinontsinona ny Ankolafy Zafy Albert”.
Nangonin’i Yves