Politique

Ankolafy Ravalomanana Toamasina Navadika ho �Quartier G�n�ral� ny foibe Tiko sy MBS tao Ambodisoanambo

Politique
Talata 28 Mey 2013

Tontosa ny sabotsy tolakandro teo ny fanadiovana ny toerana nisy ny foibe Tiko sy ny MBS tao Ambodisoanambo Toamasina, hatao �Quartier G�n�ral� ny ankolafy Ravalomanana Faritra sy Distrika Toamasina voalohany sy faharoa ary ny komity mpanohana.

Efa natolotry ny TIKO azy ireo ny toerana, araka ny fanazavana nomen'ny tompon'andraikitra voalohany, ny CST Rasamimaka Mahefalahy, ka izao niroso izao ny fandaminana sy fanadiovana ity toerana ity, izay efa saiky nanjakan'ny tsy mataho-tody mandroba sy mamotika fananan'olona satria, na ny varavarana na ny vavahady vy, dia efa samy nisy nangalatra avokoa, ankoatra izay ireo seza sy latabatra sisa tavela tao amin'ilay onjam-peo dia samy efa nisy nibata sy tsy tao avokoa. Hotohizana ny alarobia izao ny fandaminana sy ny fanadiovana rehetra ary horaisina andraikitra manomboka izao ny fiambenana ny toerana, hoy ireo tompon'andraikitra hatrany. Mbola hitohy hatrany etsy ankilan'izany ny hetsika isaky ny sabotsy fanao ao amin'ny Magro Tanambao V.

Fanja