Politique

Ankolafy Ravalomanana Mitohy ny ady amin�ny �Fran�afrique�

Politique
Alatsinainy 14 Mey 2012

Nitohy tahaka ny isan-kerinandro ny hetsiky ny Zanak’i Dada ao Toamasina, eo an-tokotanin’ny Magro Tanambao V. Ny sabotsy teo dia nasiaka ireo mpandray fitenenana nahitana ny CT sy ny CST ary ireo antoko sy fikambanana politika miara-dia amin’ny ankolafy Ravalomanana. Nambaran’ny CST Me Rasamimaka Mahefalahy fa «mitohy ny adintsika Malagasy amin’ny Françafrique ity, efa nanao izany ny Malagasy sy ny mpianatra malagasy 40 taona lasa, dia naverin’ny rajakom-bazaha eto amintsika indray izany tao anatin’ny telo taona izao, ka mila mihetsika isika». Nomarihiny fa «ady tsy ho vita izy ity, ka mila fahasahiana sy tena fitiavan-tanindrazana marina». Ankoatra izay dia efa tonga ao Toamasina koa ireo fiara 4x4 roa “Emmo-Sécurité” anjaran’i Toamasina. Tsy fantatra na hanenjehana jiolahy mitam-basy mahery vaika sy ny firongatry ny vaky trano ankehitriny izy ity, na atao hanenjehana ny mpanao hetsika etsy sy eroa, tahaka ny hita eto Antananarivo aloha hatramin’izao. Eo isika mahita izy…

Rakoutou