Ankolafy Ravalomanana Maroantsetra

> «Ampiharo aloha ny tondrozotra»

  • Politique
    Alakamisy 29 Aogositra 2013

Namoaka fanambarana milaza ny heviny momba ny raharaham-pirenena ny ankolafy Ravalomanana avy any amin’ny Distrikan’i Maroantsetra ny 21 Aogositra lasa teo.

Voalaza ao anatin’izany fa tena mitanila amin’ny fiarovana tombotsoan’olom-bitsy, eny tombontsoan’olon-tokana mihitsy aza ilay didy 7 navoakan’ny GIC M. Ambaran’ny ankolafy Ravalomanana Maroantsetra ihany koa fa tsy hitondra fitoniana amin’ny fandaminana ny raharaham-pirenena ny didy navoakan’ny CES nanilika kandida 8, ary tena manamafy orina ny fanjakan’i Baroa sy ny tsy fandriampahalemana izao fizotry ny toe-draharaha politika eto amin’ny firenena izao. Noho izany rehetra izany dia mitaky ny ankolafy Ravalomanana Maroantsetra mba tsy hiditra lalina intsony amin’ny fiainam-pirenena eto Madagasikara ny fianakaviambe iraisam-pirenena sy ny GIC M. Avela malalaka hifidy izay olona tiany ny Malagasy fa tsy teriteren’ny sehatra iraisam-pirenena. Takiana ny hampiharana manontolo ny tondrozotra, mialoha ny zava-drehetra. Ireo tompon’andraikitra isan-tsokajiny avy ao amin’ny elatra MFM sy ny avy ao amin’ny antoko Zanak’i Dada Maroantsetra no manasonia ity fanambarana ity, ary natao izao, hoy izy ireo mba hanairana ny rehetra mety matoritory na variana, satria efa tena tsy rariny intsony ny zava-mitranga eto.

 

Nangonin’i RTT

Tia Tanindrazana

Samia mijoro ho an'i Gasikara.


Ao amin’ity sokajy ity ihany : Politique

  • ANTOKO POLITIKA RPMU
  • Zoma 16 Oktobra 2026

« Tokony hiaraka amin’ny

  • Mirangorango ?
  • Alakamisy 15 Oktobra 2026

Manomboka mitombo ireo

  • Malagasy Miara-Miainga
  • Alakamisy 15 Oktobra 2026

"Mbola maro ireo fanamby

  • PRRM
  • Alakamisy 15 Oktobra 2026

« Tohizana ny ezaky nataon’ny Filoha Tsiranana…»

  • VMFR
  • Alakamisy 15 Oktobra 2026

Hafaingano ny dinika politika

  • Kolonely Randrianirina Michael
  • Alarobia 14 Oktobra 2026

Mila mifoha isika

Hijery ny tohiny
FTT