Politique

Andry Rajoelina Tsy vahaolana ny fampiasan-kery

Politique
Alarobia 29 Jona 2016

Niala tamin�ny fahanginany ny filohan�ny tetezamita teo aloha Andry Rajoelina, taorian�ny zava-nitranga teo Mahamasina ny harivan�ny 26 jona,

nankalazana ny fetim-pirenena, nisian’ny fipoahan-javatra nahafatesana olona telo sy naharatrana 86. Tamin’ny fanambarana nataony omaly niaraka tamin’ny Vondrona MAPAR tarihiny dia manameloka tanteraka ny fandatsahan-dra sy ny fandratrana ny samy Malagasy ary manamafy hatrany fa tsy ny fampiasan-kery no vahaolana eto amin'ny Firenena izay efa latsaka an-katerena tanteraka.

Naniraka ireo solombavambahoaka MAPAR teny amin'ny hopitaly HJRA Ampefiloha namangy sy nampahery ireo tra-doza teny Mahamasina i Andry Rajoelina ny alatsinainy 27 jona ary naneho ny firaisam-po amin'ny havana izay tra-pahoriana. Nanolotra fanampiana isam-pianakaviana ho an'ireo marary tamin'ny anarany ireo solontena tonga teny an-toerana, ary niondrika sy niaraka ory amin'ny fianakavian'ireo nindaosin'ny fahafatesana.

Nangonin’i Jean D.