Politique

Andrefan'Ambohijanahary Nampitovy tadin-dokanga ireo fahavalon-dRavalomanana

Politique
Alakamisy 16 Febroary 2012

Nanatontosa fivoriambe tetsy amin'ny Mon Gouter Andrefan'Ambohijanahary ny UDR-C omaly.

Efa mahazatra ny sofina hatrany ny hevitra tapaky ny mpikambana tao dia ny fanolorana kandidà tokana amin'ireo fifidianana rehetra hisy eto amin'ny firenena. Izany hoe iray ihany no hatolotry ny vondrona isaky ny Faritra, Distrika, ary Kaominina. Araka izany dia mbola hisy sivana aloha hanendrena ny kandidà hatolotr'izy ireo raha ny nambaran'i Lahiniriko Jean filohany. Ankoatra izay dia namaritra ny olona iray natolotra hiditra ho mpikambana ao amin'ny CENI izy ireo. Namaritra ihany koa fa tsy mizara velively ny vondrona UDR-C fa mitambatra hatrany ary niampy antoko roa aza izany dia ny TIM miaraka amin-dRaharinaivo sy ny GMMR tarihin’i Yves Aimé Rakotoarison, izay nisafidy mihitsy nony farany fa hiara-dalana amin'ireto nifanohitra teo aloha ireto, na dia efa hita nitovy ihany aza ny tadin-dokanga. Efa nitovy, satria hita soritra ary mazava tsy hay takonana intsony fa izy ireo no tena ao ambadiky ny fanakanana ny fiverenan'ny filoha Ravalomanana eto an-tanindrazana. Mivondrona ao amin'ity UDR-C ity avokoa mantsy ankehitriny ireo lohandohan'ny mpisorona mankahala fatratra (hatramin'ny tsinay maintiny) ity filoha teo aloha ity, dia i Norbert Lala Ratsirahonana, Reboza Julien, Lahiniriko Jean, Marso Evariste... sy ireo endrika vaovao sadasada toa an-dry Vyvato Rakotovao sy ry Yves Aimé Rakotoarison.
Manohy