Politique

Andranomavo-Soalala Feno bileta tokana mialoha ny vata mangarahara

Politique
Alatsinainy 02 Desambra 2019

Mpikambana miisa 5 tao amin’ny birao fandatsaham-bato tao amin’ny biraom-pifidianana iray ao amin’ny fokontany Antsirabe, kaominina Andranomavo,

distrikan’i Soalala no nitsikomba nameno biletà tokana mialoha ny vata mangarahara, araka ny tatitry ny CENI.

Tra-tehaky ny mpifidy io hosoka io. Karohin’ny zandarimariam-pirenena ny nahavanon-doza amin’izao. Tsy azo notohizana intsony ny latsa-bato tao amin’io biraom-pifidianana io ny

27 novambra lasa teo. Tao amin’ny fokontany Taperipia, kaominina Tsaraiko, distrikan’i Betroka indray dia nisy ny fifandisoan’ny bileta tokana tamin’ireo tokony ho any amin’ny kaomininina Beapombo II. Nisy ny fepetra noraisina nanolo izany tamin’ireo bileta tokana

fiandry saingy tsy misy ny vaovao momba ny fizotry ny latsabato tany an-toerana, tsy mbola tonga eny amin’ny SRMV ny vokatra. Ny fitsarana misahana ny ady amin’ny fanjakana no

manapa-kevitra mikasika izay ho tohin’ny fifidianana tao amin’ireo kaominina roa ireo.

Marigny A.