Politique

Amoron�i Mania Niserana Ravalo, nikoropaka ny HVM

Politique
Alarobia 15 Febroary 2017

Nanamarika ny faran�ny herinandro lasa iny tao Amoron�i Mania, Ambositra sy Fandriana indrindra indrindra ny fitsidihan�ny filoha teo aloha Marc Ravalomanana tany an-toerana.

Raharaham-piangonana eo anivon’ny Fiangonan’i Jesoa Kristy eto Madagasikara no anton-diany tany, amin’ny maha filohan’ny Komitin’ny Jobily faha-50 taonan’ny FJKM azy, saingy nifandrombahan’ny olona i Marc Ravalomanana tamin’ny toerana rehetra nolalovany ary be no miantso sy miangavy azy hirotsaka hofidiana filoham-pirenena amin’ny fifidianana ho avy, hanavotra ity firenena latsaka an-katerena ity. Nihaino ny hetaheta sy ny fitarainan’ny vahoaka tamin’ireo toerana notsidihiny rahateo i Dada ary nizara teny fampanantenana tamin’izy ireny. Nihorohoro ny Hery Vaovaon’i Madagasikara teo anatrehan’izany. Nivory maika tao amin’ny Sokela de la Mania Ambositra ireo lohandohan’ny HVM Amoron’i Mania ny tolakandron’ny alatsinainy teo, notarihin’ny minisitry ny fampianarana ambony sy ny fikarohana ara-tsiansa, Rasoazananera Monique sy nanomezan’ity farany toromarika ireo mpikambana HVM.

Jean D.