Politique

Amiraly Didier Ratsiraka Mampitarazoka ny fodiany ny tsy fandriampahalemana

Politique
Alarobia 18 Aprily 2012

Tsy misy izay tsy mikolay ny amin�ny tsy fisian�ny fandriampahalemana eto amin�ny firenena ny olon-drehetra. Saika lasibatra avokoa mantsy na manana na mahantra, eny fa na dia ireo mpitondra fanjakana aza.

Andrenesana vono olona na trano vaky hatrany isan’andro, indrindra fa ny eto an-drenivohitra ankoatra ny hala-botry sy ny sinto-mahery. Anisan’ny antony iray tsy hahafahan’ny filoha teo aloha Ratsiraka Didier miverina eto an-tanindrazana izany, araka ny fanazavan’i Vaovao Benjamin. Na dia misy aza mantsy ny fananan’ireny filoha teo aloha ireny zo ny amin’ny fahazoany mpiambina miisa 12 hiaro ny ainy sy ny ankohonany ary ny fananany dia tsy azo inoana ny fahatanterahan’izany, araka ny tokony ho izy, hoy ihany ity mpikambana Arema ao amin’ny Filankevitra ambonin’ny tetezamita ity. Ankoatra io tsy fisian’ny fandriampahalemana io dia antony tsy mbola hahafahan’ity filoha teo aloha ity miverina eto an-tanindrazana ihany koa ny tsy mbola fahavitan’ny tranony ao Ambodiatafana – Toamasina sy ny fanaraha-maso tsy maintsy hatao amin’ny toe-pahasalamany.

Pati