Politique

Ambasadaoron’i Torkia Handao tanteraka an’i Madagasikara

Politique
Talata 07 Novambra 2017

Handao tanteraka an’i Madagasikara rehefa nahavita iraka diplaomatika nandritra ny 3 taona teto amintsika ny Ambasadaoron’i Torkia nonina sy niasa teto amin’ny nosy,

SEM Volkan Türk Vural, ka tonga nanao veloma ny filohan’ny Antenimieram-pirenena, Jean Max Rakotomamonjy, teny amin’ny toeram-piasany teny amin’ny lapan’i Tsimbazaza omaly alatsinainy 06 novambra 2017. Toy ireo rehetra efa nisotro ny ranon’i Manangareza dia nanambara ity ambasadaoro ity fa mandra-pihaona ihany izao nataony izao fa tsy fanaovam-beloma tsy akory ary dia nambarany ihany koa fa afa-po tamin’ny niasany teto Madagasikara izy.

Ny filohan’ny Antenimieram-pirenena Malagasy koa notronin’ireo mpiara-miasa aminy ao amin’ny birao maharitr’ity rafi-panjakana ity sy ny SG an’ny Antenimieram-pirenena dia naneho ny fahafaham-pony tamin’ny iraka namirapiratra nataon’ity ambasadaoro ity teto Madagasikara.

Ntsoavina Evariste