Politique

Partagé sur :
• facebook

Vonona hanefa ny adidy nankinin’ny filoha teo aloha Marc Ravalomanana aminy Atoa Alain Ratsimbazafy, kandida voafidin’ny antoko Tiako I Madagasikara hifaninana amin’ny fifidianana solombavambahoaka ao anatin’ny distrikan’ Atsimondrano.

Nisaotra ny filoha mpanorina ny antoko mihitsy izy ary nanantitrantitra fa tsy handraraka ilo mby an-doha ny fahatokisana napetraka taminy. Anisan’ny mampiavaka ity kandida solombavambahoakan’ny antoko TIM eny Atsimondrano raha tsiahivina ny fananany traikefa manokana. Efa 12 taona mantsy no nahaben’ny tanànan’Ambohijanaka Atsimondrano azy. Ankoatra izay dia tsy mbola nivadika tamin’ny antoko TIM mihitsy ny tenany fa nijanona ho mpikambana foana. Anisan’ny asa goavana hotontosainy araka izany raha vantany vao lany soa aman-tsara ny tenany ny fanatsarana ny fifandraisana eo amin’ireo olom-boafidy toy ny Ben’ny tanàna sy ny solombavambahoaka. Izany no hitako lesoka hoy izy hatramin’izay satria tokony hifanohana hatrany ny Ben’ny tanàna sy ny solombavambahoaka, indrindra amin’ny fitadiavana mpiara-miombon’antoka. Nomarihiny moa fa fotoana fandraisana andraikitra eto amin’ny firenena izaho noho izany tsy hiamboho adidy ny tenany. Ny Sabotsy lasa teo no notsofin-drano teny Antanimenakely Ampitatafika Atoa Alain Ratsimbazafy ka fotoam-pivavahana lehibe nentina nisaorana sy nanomezam-boninahitra an’Andriamanitra no nisantarana izany.

Pati

Tia Tanindrazana

Samia mijoro ho an'i Gasikara.