Politique

Alain Ramaroson Tsy tapa-kevitra tamin�ny ora farany

Politique
Alatsinainy 29 Aprily 2013

Nivalona teo iny ny pejin�ny fanaterana antontan-taratasy filatsahan-kofidian�ireo efa nilaza ampahibemaso na nanam-paniriana mba ho kandida.

Anisan’ireo efa nanambara fa vonona i Lercia, saingy tsy tonga teny amin’ny CES ny dosieny. Nambara koa omaly i Alain Ramaroson fa efa vonona tanteraka ny antontan-taratasy filatsahan-kofidiany saingy tsy tapa-kevitra tamin’ny ora farany hanatitra izany teny amin’ny CES noho ny fahatsapany fa tsy homena hasina ny firenena Malagasy amin’izato afitsoky ny mpanao politika ao aminy. Tompondaka eran-tany amin’ny hamaroan’ny kandidà mirotsaka ho filoham-pirenena isika ankehitriny, hoy izy. Kandidà ahitana karazan’olona tsy madio tanana fa mpibaiko ireo raharaha tsy manjary amin’izao fitondrana tetezamita izao. Lalao maloto no misy eto, hoy i Alain Ramaroson. Manome tso-drano ny asan’ny FFKM amin’ny fikatsahana fampihavanana eto amin’ny firenena izahay, hoy ity filohan’ny vaomieran’ny filaminana sy fandriampahalemana sady lehiben’ny vaomiera mpanadihady eo anivon’ny CST ity.

Ntsoavina Evariste