Politique

Ahiana hafana anio Lavin�ny zandary ny baikon�ny praiminisitra

Politique
Talata 17 Janoary 2012

Na dia mazava be aza ao anatin’ny lalàmpanorenana fa ny praiminisitra no tompon’andraikitra voalohany amin’ny filaminana sy ny fiandrianam-pirenena dia mbola nilaza ny avy ao amin’ny zandarin’Ankadilalana fa tsy izy velively no tompon’andraikitra amin’ny fandraisana fepetra mba ho filaminan’ny tanànan’Antananarivo fa ny prefen’ny polisy. Io farany anefa, raha tsiahivina, dia tsy namela ny hanao fihetsiketsehana ao amin’ny kianjan’Ambohijatovo, kianjan’ny demokrasia teo aloha kanefa rehefa azon’ny sasany ny fanjakana dia navadiny ho toeram-pitsangantsanganana tsotra indray ilay toerana. Iza no mandika lalàna amin’ny tranga toa izao ? Tsy sanatria ve fanambaniana ny tompon’andraikitra ao Mahazoarivo ny tranga toy izao ? Farafaharatsiny mba hoe misy fifampidinihina teo amin’ny roa tonta vao hampitaina ny fanapahan-kevitry ny andaniny na ny ankilany fa tsy tonga dia miendrika fandavana tsotr’izao fotsiny. Dia rahoviana ihany izany vao hivaha ny krizy raha samy hanao izay mifanandrify amin’ny sainy ny tsirairay ? Mipetraka ny fanontaniana.
S.T