Politique

1 mey fetin�ny asa Nivaky roa ny sendika

Politique
Alatsinainy 02 Mey 2016

Ela ny ela fa nivaky roa ny sendika izay miady ho amin�ny fanatsarana ny tontolon�ny asa eto amintsika

. Ankoatra ny hetsika izay notanterahin’ny SEKRIMA sy ny afo sendikaly teny amin’ny kianjan’Alarobia omaly alahady mantsy dia nanatanteraka ny azy teny amin’ny kianja mitafon’i Mahamasina ihany koa ny CTM ( Conférences des Travailleurs de Madagasacar) omaly izay nanamarika ny fetin’ny asa toy ny isan-taona mihitsy fa tsy nisy ambadika. Amin’izy ireo mantsy dia tsy mety ny fanakambanana ny tontolon’ny asa sy ny resa-politika. Na izany aza dia mba manan-javatra takiana amin’ny fanjakana ihany koa izy ireo. Anisan’ireny ny fanamafisana ny famoahana ny lalàna vaovao mifehy ny fiahiana ara-tsosialy izay efa novolavolaina teo anivon’ny minisiteran’ny asa sy ny asam-panjakana tamin’ny taona 2010 ary nampanantenain’ny minisitra fa ho vita ao anatin’ny telo volana saingy tsy hita hatramin’izao. Eo ihany koa ny famerenana indray ny fifampidinihana eo amin’ireo tompon’andraikitra misahana ny asa eto amintsika sy ny fanjakana ankoatra ny fijerena manokana ny tsy fisian’ny asa eto amintsika, ny fanararaotana hataon’ny mpampiasa amin’ny asa izay tokony handraisan’ny fanjakana andraikitra goavana.

Pati