Finoana
Alatsinainy 02 Septambra 2013
Vondrona Laika Kristianina
> Nanao fihaonambe fifanakalozana
Nifarana ny tolakandron’ny alahady 01 septambra ny fihaonambe nasionalin’ny VLK na ny «Vondrona Laika Kristianina», eo anivon’ny fiangonana FJKM manerana ny Nosy izay notontosaina tao Antsirabe nandritra ny telo andro.
Mpizaika nanodidina ny 2 000 teo ho eo avy amin’ireo Synodam-paritany miisa 36 manerana ny Nosy no nahatonga solontena tamin’ity hetsika ity. Nambaran’ny filoha nasionaly, Atoa Radavidson Andriamparany tamin’izany fa ny hitaiza ny vahoaka kristianina amin’ny fampandrosoana ny asan’Andriamanitra no antom-pisian’ity rafitra ity eo anivon’ny FJKM, izay iray amin’ireo sampana valo misy ao amin’ity fiangonana ity. Ny tanjona dia ny fijoroana vavolombelona amin’ny alalan’ny asa sy ny Soratra Masina, izay tsy ao am-piangonana ihany fa hatreny anivon’ny fiarahamonina. Ankoatra izay dia ny fihaonambe toy izao no hanehoan’ireo mpikambana ny talentany hanasoa ny asan’Andriamanitra sy ny fifanakalozana satria araka ny soratra masina : «Ny tavan’ny rahalahy mandranitra ny tavan’ny rahalahy». Ankoatra ny fijoroana vavolombelona amin’ny lafiny finoana moa dia nisy ny varotra fampirantiana ireo vokatry ny synodam-paritany izay asa tanan’ireo laika, nisy koa ny fenehoana ny talenta isaky ny faritra ary nisy ny fifaninanana ara-panatanjahantena, indrindra ny fianarana ny Soratra Masina.
Caius RaharisonTia Tanindrazana
Samia mijoro ho an'i Gasikara.
Ao amin’ity sokajy ity ihany : Finoana
.jpg)
-
Alahadin’ny taraka
- Alatsinainy 20 Aprily 2026
.jpg)
-
Léon XIV tany Cameroun
- Alakamisy 16 Aprily 2026
.jpg)
-
PASTERA HERITIANA
- Zoma 03 Aprily 2026
-
Vondron’ny Fikambanana Masina
- Alatsinainy 30 Martsa 2026
.jpg)
-
Mankalaza ny faha-42
- Alarobia 25 Martsa 2026
.jpg)
-
Pastera Heritiana
- Alarobia 18 Martsa 2026