Finoana

Vondrom-pinoana AMCM Nihaona tamin�i Honore Rakotomanana

Finoana
Alakamisy 05 Janoary 2017

Tonga nitsidika ny Filohan�ny Antenimierandoholona tetsy Anosikely, omaly maraina, ny vondrom-pikambanana ara-pinoana AMCM na ny � Amical des Musulmans et Chretiens de Madagascar � izay tarihin� Andriamatoa isany Hamada Chanfi, ho an�ny Silamo sy Rabeson Rafaralahibe kosa ho an�ny Krisitiana.

Miara-miasa sy mandala ny Fihavanana ary ny Fampihavanana Malagasy ity AMCM eto Madagasikara ity. Ka noho izao fahatongavan'ny Asaramanitra izao dia niarahaba sy nirary soa ho an’ny filoha Rakotomanana Honoré amin’ny maha-Raiamandreny azy eto anivon’ny Firenena ireto mpitarika vondrom-pinoana ireto ary vonona ny hifanome tànana ho amin’ny fampadrosoana an’i Madagasikara amin’ny alalan’ny fanajana ilay soatoavina maha-Malagasy dia ny “Fihavanana”. Tsy mifandrafy ihany koa fa miara-miasa tanteraka izy ireto eto Madagasikara ary hiara-hiasa amin’ny fitondram-panjakana ihany koa. “Laika” ny Firenena Malagasy, hoy ny Filohan’ny Antenimierandoholona, ka mila mifanome tanana ny rehetra ho fampanjakana ny tena fihavanana marina mba hiteraka Fampandrosoana maharitra ho an’nyfirenena. Ny taona 2013 no niforona teto Madagasikara ity vondrom-pinoana “AMCM” ity ary efa mielipatrana manerana ny Nosy ankehitriny.

Ntsoavina Evariste