Finoana

Volana masina Ramadany Miantso ny mpino mba hanalavitra hatrany ny ratsy ireo mpitarika

Finoana
Talata 29 Mey 2018

Efa ho tapitra sahady ny folo andro voalohany hanamarihan’ireo mpino Silamo ny iray volana masina Ramadany. Miantso ny mpino rehetra hanalavitra hatrany ireo zavatra manimba ny fifehezana,

ary hitandrina ihany koa ireo zavatra mampihena izany voninahitry ny fifehezana izany Atoa Sheil Rijaly, tompon’andraikitra voalohany eo anivon’ny UMMI eny Anosimasina Itaosy. Ankoatra izany dia maniraka ireo mpino Silamo mba hampihavana ireo olona miady sy misy disadisa ihany koa ity tompon’andraikitra ity sady mivavaka ho an’ny firenena. Ny mpino silamo mantsy hoy izy dia mpampihavana, no sady tia sy mandalina fihavanana sy ny firaisankina. Nomarihiny manokana moa fa ny iray volana masina Ramadany tahaka izao no hahafahan’ireo mpino manovo ireo karazana fahasoavana avy any ambony. Raha sanatria ka manao zava-boarara anefa izy ireo toy ny fitenenan-dratsy ny hafa, ny fanaovana firaisana ara-nofo …. dia mihetry ho azy ny fahasoavana tokony horaisin’izy ireo.

Pati