Finoana

Vehivavy nanota fady Maty nodoran�ny olona velona

Finoana
Alatsinainy 31 Oktobra 2016

Vehivavy iray voalaza fa nanota fady tany Valamena Satrokefa, any Mananjary no niharan�ny fitsaram-bahoaka omaly alahady.

Toerana masina sy vakoka ho an’ny mponina no nanaterany henan-dambo izay fady tanteraka. Pasitera no voalaza fa naniraka azy hanaotao foana toy izao. Nanamparan’ny fokonolona ny hatezerany ity ramatoa ity ary naratra mafy. Taorian’izay dia nodoran’izy ireo velona ka maty tsy tra-drano ilay ramatoa. Mbola maro amin’ny faritra sy toerana eto Madagasikara no mitana ireny fomba amam-panao ireny. Sarotiny amin’ny fomba mampiavaka azy ny fiarahamonina, indrindra ireo any ivelan’ny renivohitra ka ny fanaovana tsinontsinona izany dia miteraka hatezerana ho an’ny olona ary mety hisy fiantraikany izay tsy takatry ny saina. Mbola adihevitra tsy mety tapitra ny mahakasika ny finoana sy ny fomban-drazana. Samy manana ny finoany sy ny fomba amam-panaony ny fiarahamonina ka tokony hifanaja mba hisorohana ny fifandonana.

Toky R.