Finoana

Tsena Mora Hiandrasana propangandy indray

Finoana
Zoma 12 Oktobra 2012

Mora lany, mora hadino ! Izay no niafaran’ny «Tsena Mora mitsinjo ny Malagasy», iray amin’ireo tetikasa nentin’i Andry Rajoelina, nambara fa hanalefahana ny andavanandrom-piainan’ny olona tamin’ireo tanàna nofidiany manokana hanatanterahana azy. Niainga teto Antananarivo ny Tsena Mora, ary natao nipoapoaka mihitsy ny fanombohana azy tetsy amin’ny Kianja mitafon’i Mahamasina tamin’ny 22 oktobra 2010. Nitarina tany amin’ny tanàna hafa toa an’i Toamasina. Avy eo dia nangingina ho azy teny, fa lany vatsy. Re indray anefa ankehitriny fa hiandrasana ny fampielezan-kevitra amin’ny fifidianana any vao mety hofohazina ity Tsena Mora ity.

Nangonin’i Jean D.