Finoana

Partagé sur :
• facebook

Tsy mahay sy tsy mahafehy ny teny Malagasy intsony ny ankamaroan’ireo mpianatra ankehitriny, noho ny firoborobon’ny teknôlôjia, araka ny fanadihadiana natao teny anivon’ny sekoly maromaro eto an-drenivohitra.

Tsy vitsy ireo manafangaro ny teny malagasy sy ny teny frantsay, indrindra hatramin’ny nampahazo vahana ny Facebook. Toraka izany koa ny fomba fiteny izay mahazo ny 50%-n’ny ankizy mpianatra mihitsy ka ilana fanitsiana haingana. Betsaka ireo sekoly no miezaka manatsara ny fampianarana teny Malagasy ao aminy izay tena efa  mihavery tokoa raha efa  manana paikady hahafahana miady amin’izany ihany koa ny minisiteran’ny fanabeazam-pirenena. Tafiditra ao anatin’ny fanatanterahana ny « Plan Sectoriel de l’éducation » na ny PSE izany, hoy ny minisitra Paul Rabary, antony hampitambarana ho iray ny sekoly ambaratonga fototra sy ny sekoly ambaratonga faharoa. Ho an’ny telo taona voalohany dia nambarany fa ny teny Malagasy tsy misy fangarony no teny hoenti-mampianatra. Voakasik’izany ny famakian-teny, ny fanoratana, ny fanaovana kajy… Ao amin’ny telo taona faharoa indray dia hampidirina ho teny ampianarina ny teny frantsay, raha ny teny frantsay iray manontolo no hoenti-mampianatra ao amin’ny taona fahatelo farany, izany hoe manomboka ao amin’ny taona fahafito sy fahavalo ary ny fahasivy. Nomarihina nanomboka ny 19 febroary lasa teo ny andro maneran-tany ho an’ny tenin-dreny. Nisy moa omaly ny ora iray natokana tsy hitenenana afa-tsy teny Malagasy ranoray niampy ilay hetsika fifaninanana soratononina nokarakarain’ny ORTM  omaly hariva tamin’ny 06 ora sy sasany.

Pati

Tia Tanindrazana

Samia mijoro ho an'i Gasikara.