TAONA 2026- PASTERA HERITIANA

Taona tsara ho an'izay miankina amin'Andriamanitra

Finoana
Alakamisy 08 Janoary 2026

Naneho ny heviny mikasika ity

taona 2026 ity Pastera Heritiana Randriarimalala amin'ny maha-raiamàndreny ara-panahy azy. Nambarany fa taona tena tsara ity taona 2026 ho an'ireo izay tena.miankina amin'Andriamanitra marina. Raha ara-Baiboly mantsy hoy izy dia miharatsy hatrany ny fiainana eto an-tany fa tsy mihatsara araka ilay voasoratra hoe : Araraoty ny andro azo hanaovantsoa fa miharatsy izao fiainana izao. Tsy midoika anefa izany hoy izy fa tsy misy ny fanantenana, indrindra fa ho an'ireo tena mivavaka marina. Ao amin'Andriamanitra ihany mantsy no tena misy fahafenoana hoy hatrany Pastera Heritiana Randriarimalala. Salama, milamina ny tokantrano, misy ny vola, hendry ny ankizy....Betsaka ireo tena manam-bola hoy izy fa tsy salama. Misy koa ireo milamina ara-tokantrano fa maditra ny zanany... Ny fiarahana amin'Andriamanitra ihany araka izany no vahaolana hatolotr'ity Pastera ity ho an'ny mpiara-belona raha te-hanana fiainana milamina sy mirindra amin'ity taona 2026 ity.
Pati
Légende : Pastera Heritiana Randriarimalala, Filoha mpanorina ny trano fivavahana Vahao ny Oloko !