Finoana

Synodam-paritany F.L.M. Tolagnaro Nankalaza ny taon-jaobily fankasitrahana ny Dr Rakoto Endor Modeste

Finoana
Talata 13 Janoary 2015

Fampirantiana an-tsary ny tantaran'izy mivady, fizarana mari-pahatsiarovana sy Mari-pankasitrahana, fotoam-bavaka lehibe Anisan'ny nanamarika ny jobily fankasitrahana

Vory lanona tao Faradofay ny fianakaviamben'ny fiangonana Loterana ny alahady teo. Ny Pastera Dr Rakoto Endor Modeste, anisan'ny filoha naharitra ela satria eo am-pamitana ny fotoam-piasana faha-3 izy amin'izao fotoana. Izy no filoha faha-5 nitondra ny F.L.M. Vory lanona avokoa ny fianankaviamben'ny Synoda teo ambany fiahian'ny filohan'ny Synodam-paritany ny Pastora, Soloson. Fahombiazana no hita satria tamin'izao jobily fankasitrahana izao no nahafahana nandravona ireo disadisa tsy nampitovy hevitra ary saika nampisara-bazana ireo pastora. Ireo pastoraly râja ampahatsiahivina samy nandeha samy nitady. Nifandray tanana ary nikambana ho ao anatin'ny vala-tokana. Ny teny faneva tamin'izany araka izay voasoratra ao amin'ny Lioka 1, 50: "Anjaran'ny famindrampony dia izay matahotra azy hatramin'ny taranaka fara-mandimby".Filaharambe namakivaky ny tanàna tao amin'ny F.L.M. Tanambao ka hatreo amin ny Toby Nenilava. Hipoka ny fiangonana. Hatreo ny tany Faradofay fa mbola hanao ny azy ny eto Antananarivo ny volana mey ho avy izao.