Finoana

Synoda lehiben�ny FJKM Hotanterahina anio ny fifidianana filoha

Finoana
Alarobia 24 Aogositra 2016

Andrasana anio alarobia 24 aogositra ny anaran�izay ho filoha mitarika indray ny Fiangonan�i Jesoa Kristy eto Madagasikara (Fjkm) ho an�ny efa-taona manaraka.

Siosion-dresaka no betsaka fa tsy misy aloha hatreto ny anaran’ireo kandida sy ny mety ho isany. Anio vao ho fantatr’ireo mpizaika ao anatin’ny Synoda lehibe faha-18 ao amin’ny Fjkm Vatofotsy Antsirabe ny anaran’ireo kandida ireo. Matetika no ampifandraisin’ny mpanara-baovao amin’ny raharaham-pirenena sy ny politika ity resaka Fjkm ity. Manizingizina ny mpitantana ao amin’izany Fiangonana izany fa samy hafa mihitsy ny raharaham-piangonana sy ny fiainam-pirenena ka tsy tokony hafangaro. Na izany aza, manana ny toerany tsy azo hamaivanina mihitsy amin’ny fiainam-pirenena ny Fjkm ary hatreto dia mpino Fjkm ny filoham-pirenena roa voafidim-bahoaka tato anatin’ny 15 taona teto Madagasikara dia i Marc Ravalomanana sy Hery Rajaonarimampianina izany. Izy mirahalahy ireto izay re fa samy mihetsiketsika fatratra ao amin’ny Fjkm ao. Andrasana, araka izany, izay ho voka-pifidianana anio. Ho hita eo koa raha mbola hirotsaka ihany na tsia ny filohan’ny Fjkm am-perinasa, ny mpitandrina Lala Haja Rasendrahasina.

RTT