Finoana

Silamo Ahmadiyya Manameloka ny asa fampihorohoroana

Finoana
Alatsinainy 31 Oktobra 2016

Nanatanteraka ny �Jalsa Salana� na fihaonana isan-taona andiany faha-12 ny zoma 28 sy sabotsy 29 oktobra 2016 teo teny Andavamamba misy ny foibeny ny fikambanana Silamo Ahmadiyya eto Madagasikara.

Nanome voninahitra ny fivoriamben’ireo mpikambana manerana ny nosy ny Amir Seib Moussa Taujoo mpitantana ny fikambanana miozilimanina Ahmadiyya eto amin’ny Ranomasimbe Indianina. Misongadina hatrany mandritra ny fifanatrehan-tava eo amin’ireo mpino silamo Ahmadiyya miparitaka manerana ireo firenena 207 ny fianarana sy ny fizaram-baovao miaraka amin’ny fanavaozana ny fomba fisainana sy fitondrantenan’ny isam-batan’olona manaraka ny finoana silamo mifototra amin’ny fitiavana sy ny firahalahiana. Tsy mankasitraka ireo herisetra miseho amin’ny endriny samihafa ny fikambanana, araka ny toriteny heno teny an-toerana. Manohitra sy manameloka ireo asa fampihorohoroana rahateo ny silamo Ahmadiyya, hoy ny lehiben’ny fikambanana monina atsy amin’ny nosy Maorisy misolotena ny Kalifa eto amin’ny Oseana Indianina. Mampiavaka ireo mpino miozilimanina ahmadi manana ny foibeny any Londres amin’ireo 72 hafa moa ny finoany ny efa nahatongavan’ilay Mesia Mizra Ghulam Ahmad.

Ramano F.