Finoana

Seminera fandravana ny ozona sy fananganana fitahiana Hofaranana rahampitso etsy Mahamasina

Finoana
Zoma 15 Martsa 2019

Ho famaranana ilay hetsika ara -panahy isaky ny Sabata nanomboka ny 26 janoary lasa teo izay niainga tamin’ny tsindrimandrin’ ny pastera Benjamina sy ny Radio FM FOI 107.4Mhz dia manomana hetsika ara-panahy lehibe sy fotoam-bavaka izay nialohavan’ ny fitetezana tanana teto Antananarivo izy ireo, miaraka amin’ity onjam-peo ity.

Etsy amin’ny lapan’ny kolontsaina sy ny fanatanjahantena etsy Mahamasina no hanatanterahana izany rahampitso sabotsy 16 martsa manomboka amin’ny amin’ny 9ora maraina.Nandritra ity hetsika ity izay nanerana an’i Madagasikasira moa dia tsiahivina fa maro ireo vokatra ara-panahy azo tamin’izany. Misy ireo nijoro vavolombelona fa sitrana tamin’ny aretina nahazo azy, anisan’ireny ny homamiadana, ny marenina lasa nalady ….Tanjona amin’izao hetsika izao moa ny mba hisian’ny fiovana avy hatrany amin’ny fiainan’ny olona ary handraisany valim-bavaka avy hatrany. Lohahevitra nofidiana mandritra ny vavaka rahampitso moa ny hoe : “honerana anio”, izay midika hoe : eo noho eo ny valim-bavaka .Tsiahivina moa fa hisy ny toriteny ho entin’ny pastera Benjamina mandritra izany, arahina vavaka sy fametrahan-tanana. Alefa mivantana amin’ny horonan-tsary manerana izao tontolo izao ny hetsika amin’ny alalan’ny TV7Foi izay haino amanjerin’ity onjam-peo ity.