Finoana

Sampana fifohazana FJKM Hanatanteraka vavaka sy fifadian-kanina ho an’ny firenena

Finoana
Alakamisy 14 Jona 2018

Hanatanteraka vavaka sy fifadian-kanina ho fangataham-pitahiana ho an’ny firenena ny sampana fifohazana eo anivon’ny fiangonana Fjkm. Ny sabotsy 23 jona ho avy izao no hanatontosana izany etsy amin’ny lapan’ny kolontsaina sy ny fanatanjahantena Mahamasina manomboka amin’ny 7 ora sy sasany maraina.

Ankoatra ny vavaka ho an’ny firenena dia tafiditra ao anatin’ny fankalazana ihany koa ny fahatsiarovana ny datin’ny 9 jona, hoy Atoa Robinson Radolalaina Johary, tonian’ny sampana fifohazana. Tamin’io daty io mantsy tany amin’ny 123 taona lasa no nisian’ny fifohazam-panahy lehibe teto Madagasikara ka nilatsahan’ny fanahy masina tamin’ireo mpianatry ny Tompo 13 mianadahy tao Soatanana. Anisan'ireny i Dada Rainisoalambo, raha araka ny fanazavana azo. Vavaka, fanokanana mpiandry, toriteny ary rindran-kira fiderana no entina hanamarihana io fotoan-dehibe io koa iantsoana ny mpino rehetra.

Pati