Finoana

Rivolala Hiakatra Fitsarana rahampitso

Finoana
Alarobia 20 Janoary 2016

Haresaka ao Miandrivazo amin�ny alakamisy 21 janoary. Hiakatra fitsarana amin�io andro io i Kohen Rivolala.

Voatazona am-ponja vonjimaika ao Miandrivazo tamin’ny volana novambra 2015 ity filoha mpanorina ny fiangonana « Foi hébraïque judaïsme messianique devant l'Eternel » ity, izay voarohirohy amina resaka mosavy nampirongatra ny aretina ambalavelona ka nahavoa mpianatra am-polony maro tao amin’ny sekolin-dry masera ao Miandrivazo. Ray aman-dreny maro no nametraka fitoriana noho io toe-javatra nampisahotaka ny iray tanàna io. Nosamborin’ny polisy tao Miandrivazo i Kohen Rivolala, sendra tao an-toerana rahateo ity farany tamin’io. Nampidirina am-ponja vonjimaika izy taorian’izay. Niara-nidoboka taminy ihany koa ny efa-dahy niara-dia taminy. Nogiazana avy hatrany koa ny fiara 4x4 nentin’izy ireo. Nisy fangatahana fahafahana vonjimaika nataony saingy nolavin’ny Fitsarana izany. Rahampitso izany no hahafantarana ny ho avin’i Kohen Rivolala.

Jean D.