Finoana

Randriamisata Roger, Mpitandrina Indroa nisy nanafika ny alin�ny sabotsy teo

Finoana
Alatsinainy 15 Martsa 2010

Nisy andian�olona nanafika ny tokantranon-dRandriamisata Roger, mpitandrina, ao amin�ny FJKM Ambohimamory.

Indroa nisesy no nisehoany ny alin’ny sabotsy 13 martsa teo. Tamin’ny enina ora sy sasany hariva ny voalohany, ary niverina indray tamin’ny 11 ora alina. Asan-jiolahy sa fampihorohoroana ? Nitondra fiara Peugeot 405 ny jiolahy, roa raha ny vaovao re voalohany, izay nilaza tsy am-pihambahambana fa hamono an’ity mpitandrina mpikambana ao amin’ny Hetsiky ny Mpitondra Fivavahana ity. Tao an-trano ny tenany tamin’io fotoana io. Tsy nipetra-potsiny ny mponina eny an-toerana fa niditra an-tsehatra nanakana ny teti-dratsin’ireo andian’olona ireo. Nisy ny nentanim-po ka namotika ny fiara nentin’izy ireo, ny sasany nanisy tohana tsy hahafahan’ilay fiara mihetsika. Nampandrenesina ny fisehon-javatra ny zandary. Manao mandatehezana amin’izay mety hitranga kosa ny kristianina eny an-toerana.

Nangonin’i Jean D.