Finoana

Radio Vaovao Mahasoa Hanamafy hatrany ny fitoriana ny filazantsara

Finoana
Alatsinainy 30 Oktobra 2017

Hanamafy ny fitoriana ny filazantsara hiantsorohany ny Radio Vaovao Mahasoa naorin’ny mpanompovavin’Andriamanitra Marthe Hervée.

Ny sabotsy teo no nanamarihana ny fankalazana ny faha-20 taonan’ity radio ara-pilazantsara iray ity izay marihina fa efa nahangona ondry marobe tsy tambo isaina tokoa, tamin’ny alalan’ireo karazana fandaharana narosony ho an’ny mpihaino. Vao mainka hihamafy hatrany ny fitoriana ny filazantsara ao anatin’ny 20 taona ho avy. Anisan’ny lohahevitra noraisin’ity mpanompon’Andriamanitra iray ity mantsy ny voasoratra ao amin’ny Lioka 4 : 43 sy ny I Korintianina 9-16 b manao hoe : « Tsy maintsy mitory ny teny soa mahafaly amin’ny fanjakan’Andriamanitra aho, fa lozako raha tsy mitory ny filazantsara aho ». Fotoam-pivavahana iraisam-pinoana lehibe nentina nisaorana sy nanomezam-boninahitra an’Andriamanitra no nentina nanamarihana izany teny Ankasina, narahin’ilay hetsika Radio Vaovao Mahasoa an-tsehatra nentina nampahafantarana ireo mpanolotra fandaharana rehetra ao aminy. Toraka izany koa ny rindran-kira lehibe niarahana tamina mpanakanto maro samihafa izay samy nentina nanomeazam-boninahitra an’Andriamanitra avokoa.

Pati