Finoana

Pastera Mailhol “Hahazo vahana maneran-tany ny loza sy ny aretina…”

Finoana
Alakamisy 24 Janoary 2019

Ho henjankenjana ity taona 2019 ity raha araka ny fanazavan’ny pastera Mailhol, filoha mpanorina ny fiangonana Apokalipsy, omaly.

Noho ny fivadihan’ny olona amin’Andriamanitra mantsy dia hahazo vahana ny loza maro samihafa sy ny areti-mandringana tsy hijanona eto Madagasikara ihany fa maneran-tany mihitsy. Loza fito efa voalaza ao amin’ny bokin’ny Apokalipsy 15 : 16 izy ireo arahin’ny hetsika fanonganam-panjakana amina firenena samihafa. Ny fiverenana amin’Andriamanitra ihany noho izany no vahaolana, hoy hatrany ny pastera Mailhol hisian’ny fiarovana ny tsirairay. Mikasika ny fisian’ny fanjakana mijoro ankehitriny dia nambarany fa ny famahana ny resaka fandriampahalemana, ny fampidinana ny vidim-bary sy ny solika, ny vidin’ny JIRAMA, ny ady amin’ny kolikoly ary ny famerenana ny tanin’ny gasy lasan’ireo vahiny no tena andrasany amin’ny mpitondra izay tena iarahany tanteraka amin’ny vahoaka madinika rehetra.

Pati