Finoana

Pastera Irako Ammi mivady 10 taona nitandremana tao amin�ny Fjkm Androndra

Finoana
Alarobia 24 Jona 2015

Mankalaza ny faha-30 taona naha mpitandrina azy ny pastera Irako Andriamahazosoa Ammi mivady ankehitriny. Toraka izany koa ny fahafolo taona nitandremana teny anivon�ny Fjkm Androndra Fahasoavana

. Zava-dehibe ho an’ny fiainan’ny fiangonana izany, antony nanomanan’ny komity mpikarakara hetsika manokana izay hosokafana ny 28 jona ho avy izao. Fotoam-pivavahana lehibe manomboka amin’ny 9 ora maraina hotontosaina etsy Antsahamanitra no hisantaran’izy ireo izany, arahina gala evangelika hiarahana amin’i Bodo sy Joseph d’Af manomboka amin’ny 1 ora folakandro. Ankoatra izay dia hisy ihany koa ny kaonferansa lehibe mitondra ny lohateny hoe : « Jesoa Kristy, fomba fisainana vaovao » izay hiarahana amin’i pastera Ammi ihany. Mbola hitohy ny 2 sy ny 3 Jolay izany ao amin’ny Fjkm Analakely samy hanatanterahana kaonferansa lehibe avokoa toy ny hoe : tsy ny hahasambatra no anton’ny fiainana eto an-tany fa ny hanao ny sitrapon’Andriamanitra sy ny hoe : didy lehibe fahatelo ny hitiavana ny tena. Lohahevitra nosafidian’izy ireo hanamarihana izao lanonana roa sosona izao moa ny hoe : « Fa tsy ny tenanay no torianay fa Kristy Tompo ary izahay dia mpanomponareo noho ny amin’i Jesoa ».

Pati