PASTERA HERITIANA

Partagé sur :
• facebook

Kivy ny ankamaroan’ny olona manoloana ny toe-draharaha politika misy eto amintsika.

Saika variana amin’ny fitiavan-tena sy ny fitiavam-pahefana ary ny fiadivan-tseza avokoa mantsy ny ankamaroan’ny mpanao politika Malagasy fa tsy misy mijery ny tombontsoan’ny vahoaka. Antony hamporisihin’ny Pastera Heritiana Randriarimalala, filoha mpanorina ny trano Fivavahana Vahao ny Oloko ny Kristianina rehetra, indrindra fa mpino ao aminy hanao politika izany. Ireo tena Kristianina marina voky fampianarana mantsy no nambarany fa afaka hahafehy io fitiavan-tena sy fitiavam-pahefana io ary hampanjaka ny marina eto amin’ny tany sy ny firenena. Ny mampalahelo hoy hatrany izy dia izay mahazo fahefana tsy te-hiala amin’ny toerany ary ireo tsy nahazo te-handrombaka izany. Misy koa hoy izy ireo tsy manaiky resy rehefa resy fa mbola mitady hirika hatrany nefa ny safidim-bahoaka no tokony hampanjakaina….Ho an’ny fiangonana Vahao ny Oloko izay tarihiny manokana moa dia nomarihiny fa efa nanana mpino nilatsaka hofidiana ho Solombavambahoaka izy ireo. Mbola manana kandida hilatsaka hofidiana ho Ben’ny tanana sy ny mpanolontsaina ihany koa izy ireo amin’ny datin’ny 11 Desambra ho avy izao, izay nambarany fa azony antenaina sy handrandraina amin’ny fampiharana ny fahamarinana sy ny fitsinjovana ny vahoaka marina.
Pati
Legende : Pastera Heritiana Randriarimalala, manantena ny hisian’ny mpitantana tena marina eto amin’ny firenena !
 

Tia Tanindrazana

Samia mijoro ho an'i Gasikara.