Finoana

Pasitera Maihol Ny fodian-dRavalomanana no vahaolana hialana amin�ny krizy

Finoana
Alarobia 17 Septambra 2014

Mila mihavana ireo filoha mifandimby dia mivaha ho azy ny krizy eto amin�ny firenena, araka ny fijerin� ny pasitera Mailhol azy

. Laharam-pahamehana amin’izany ny fodian’ny filoha Marc Ravalomanana an-tanindrazana. Raha tsy manana finiavana ara-politika anefa ny filoha Hery Rajaonarimampianina dia sarotra ny hahatanteraka izany, araka ny fijeriny. Tsy hirotsaka anefa, hoy izy, ny famatsiam-bola raha tsy izay fampihavanana azy dimy mirahalahy izay no tanteraka. Olana ara-bola, hoy ihany izy, no mampikatso ny raharaham-pirenena toy izao koa mila mandray fanapahan-kevitra ny filoha Hery Rajaonarimampianina. Nambarany fa vonona hanoro hevitra ny fitondrana izy raha ilaina izany. Tafa ho an’ny mpanao gazety tany Ambatondrazaka no nanehoany ny fomba fijeriny ny raharaham-pirenena io. Izao indray izany vao nifoha tamin’ny torimasony ny pastera Maihol ary miresaka politika, ka manamafy fa tsy mivaha ny krizy raha tsy tanteraka ny fampihavanana tena izy eo amin’ireo filoha nifandimby teto, ka dingana voalohany amin’izany ny famelana malalaka ny filoha teo aloha Marc Ravalomanana mba ho eto Madagasikara.