Pasitera Heritiana_Fiainan-tokantrano

« Tsara raha mitovy finoana ny mpivady »

Finoana
Alakamisy 13 Jona 2024

Lasa miteraka olana goavana eo anivon’ny tokantranon’olon-droa amin’izao ny resaka finoana.

Samy mikiry ny milaza ny azy ho marina ny tsirairay hany ka tsy misy fiainam-banona fa mihafara amin’ny fisarahana hatrany rehefa tsy mahay mifandefitra. Ny tena tsara sy mety hoy Pastera Heritiana hisorohana izay fahavaran’ny tokantrano izay dia mitovy finoana ny mpivady. Raha tsy mihinan-kisoa ny iray dia tokony tsy hihinana koa ny iray. Raha mahavita mandefitra sy manana fanetren-tena lalina hijanona amin’izay kosa anefa ny iray hoy izy dia tena mety izany. Fa tsy maninona koa hoy Pastera Heritiana raha samy tsy mpivavaka nefa samy tsara toetra ny olon-droa mivady. Tsy voatery ho tsara toetra mantsy rehefa mpivavaka hoy hatrany izy. Ho an’ny Pastera Heritiana manokana moa dia nosinganiny fa ara-panahy ny fiainana ka tsy tokony hatao ambanin-javatra raha tiana haharitra sy ho tsara fihafara ny tokantrano iray.
Pati
Legende : Izy no Pastera Heritiana Randriarimalala, filoha mpanorina ny trano fivavahana Vahao ny oloko !