Finoana

Nonce Apostolique Mgr Tomasz Grysa no hiasa eto Madagasikara

Finoana
Alakamisy 19 Janoary 2023

Nanolotra ny taratasy manendry azy hiasa eto Madagasikara tamin'ny Filoham-pirenena Andry Rajoelina ny Nonce Apostolique, Son Excellence Mgr Tomasz Grysa,

omaly 18 janoary 2023 teny amin’ny Lapam-panjakana Iavoloha. Izy no Solontenan’ny Fiketrehana masina izany hoe: Ambasadaoron’i Vatican vaovao eto Madagasikara, nisolo ny Mrg Paolo Rocco Gualtieri, izay laza niasa any Pérou. Nanambara ny Nonce Apostolique fa ny Fiketrahana Masina dia vonona hatrany hanamafy sy hanatsara ny fiaraha-miasa amin'ny Firenena malagasy sy hifanome tanana amin'ny Fitondram-panjakana amin'ny fanatanterahana ireo ezaka amin’ny fampandrosoana an'i Madagasikara. Ny Fiangonana Katolika moa dia anisan'ny mitondra ny anjara birikiny amin'ny fitaizana ny vahoaka sy ireo asa fampandrosoana ny Firenena eo amin'ny sehatra maro toy ny fanabeazana, ny fahasalamana sy ireo asa sosialy isan-karazany, hoy ny eo anivon’ny Fiadidian’ny Repoblika tamin’ny fampitam-baovao momba ity fanaterana ny taratasy fanendrena ny Nonce Apostolique ity.
Toky R