Finoana

Mpitandrina Randriamalalaharisoa Jules mivady Manamarika ny jobily 47 taona niasany tamin�ny Fjkm

Finoana
Alatsinainy 02 Jona 2014

Tontosa ny faran�ny herinandro teo ny jobily ivon�ny fankalazana ny faha-47 taona niasan�ny mpitandrina Randriamalalaharisoa Jules teo anivon�ny finoana Fjkm sy ny faha-18 taona nitandremany ny fiangonana Fjkm Ambatondrazaka Fitiavana.

Ny faran’ny volana mey teo dia nisy ny fotoam-bavaka lehibe notarihan’ny Fjkm foibe sy ny Synaodam-paritany nentina nanamarika io jobily lehibe io. Tsangambato lehibe no hoentin’ny mpino kristianina ao amin’ny fiangonana Ambatondrazaka Fitiavana hankasitrahana ny zava-bitan’ny mpitandrina Randriamalalaharisoa Jules mivady, dia ny fanolorana trano ho azy ireo miaraka kojakoja ilaina amin’ny fandraisana vahiny. Tany novidian’izy mivady any Talata Volonondry no nanorenana izany trano izany ka amin’ny fotoana handehanan’ny mpitandrina misotro ronono ny 18 janoary 2015 no hanolorana amin’izy ireo ny trano. Ny 2 novambra 2014 no famaranana ny taon-jobily raha tamin’ny 2 martsa 2014 ny jobily santatra.