Finoana

Mpitandrina Lala Haja Rasendrahasina Nankasitrahan’ny FJKM ny asa vitany

Finoana
Alatsinainy 23 Oktobra 2017

Notontosaina omaly alahady 22 oktobra nanomboka tamin'ny 3ora tolakandro tao amin'ny FJKM Ankadifotsy ny fisaorana ny Mpitandrina Lala Haja Rasendrahasina noho ny nitantanany ny FJKM nandritra ny 12 taona.

Nahavita be ho an’ny Fiangonan’i Jesoa Kristy eto Madagasikara ny mpitandrina Lala Rasendrahasina. Anisan’ny niaina vanim-potoana mavaivay ihany koa tamin’ny krizy 2009 kanefa nijoro hatrany amin’ny maha FJKM azy ary niasa mafy nifanampy tamin’ireo filoham-piangonana tamin’ny fampihavanana nataon’ny FFKM ka nahafahana nampihaona ireo filoham-pirenena 5 nifandimby teto Madagasikara, dingana iray lehibe amin’ny fampihavanam-pirenena. Zanaky ny mpitandrina Titus Rasendrahasina izay anisan’ireo angady nananana sy vy nahitana tamin’ny fananganana ny FJKM ary filoha voalohany nitarika azy ny mpitandrina Lala Haja Rasendrahasina. Nitarika ny fotoana omaly teny Ankadifotsy ny filoha am-perinasan’ny FJKM, ny mpitandrina Irako Andriamahazosoa Ammi. Tazana teny an-toerana ihany koa ny ben’ny tanànan’Antananarivo Lalao Ravalomanana.

RTT