Finoana

Mpino silamo Mosqu�e 67 ha Notoloran�ny Vondrona Antanimena sakafo ao anatin�ny fifadian-kanina

Finoana
Alatsinainy 14 Jolay 2014

Tafiditra tanteraka ao anatin�ny fifadian-kanina isika amin�izao na ny ramadany ho an�ireo mpino Silamo.....

Amin’ny maha iray ny Malagasy rehetra, tokana ihany koa ny Andriamanitra hivavahana dia tonga nanolotra fanomezana ho an’ireo mpino ao amin’ny Mosquée 67 ha ny Vondrona Antanimena, notarihin’i José Rakotomavo ny sabotsy lasa teo. Makarôny, ronono amin’ny boaty niampy siramamy no natolotr’izy ireo tamin’izany. Araka ny fanazavan’ny tompon’andraikitry ny serasera ao amin’ny Vondrona Antanimena dia fotoana fanompoana lehibe sy masina ho an’ny mpino silamo ny andro Ramadany. Fotoana iray hitondran’izy ireo am-bavaka ny firenena ihany koa mba hahatongavana amin’ny tena fampihavanana marina. Izany rahateo no katsahintsika amin’izao fotoana, hoy ihany ity tompon’andraikitra ity ka rariny raha tohana amin’ny alalan’ny fanolorana fanomezana izy ireo. Fikambanana sy antoko ary vondrona politika manodidina ny 32 isa no mikambana ao anatin’ny Vondrona Antanimena raha tsiahivina. Mitovy foto-kevitra sy fomba fijery avokoa izy ireo mikasika ny tokony hanatanterahana ny fampihavanana eto amin’ny firenena.