Finoana

Mpampianatra FJKM 24 mianadahy no notolorana sertifika

Finoana
Sabotsy 17 Desambra 2016

Tao anatin�ny fanompoam-pivavahana nisaorana an�Andriamanitra notarihan�ny Mpiandraika foibe FJKM, teny amin�ny fiangonana FJKM Alarobia Amboniloha,

ny zoma 16 desambra teo, noho ny fahatontosan’ny fanofanana nomena an’ireo mpampianara am-perinasa andiany faha-3 eny anivon’ireo sekoly FJKM nanerana ny faripiadidiam-pampianarana FJKM niisa 26 eto Madagasikara, sy ho fangataham-pitahiana ny asa ho sahanin’izy ireo amin’ny ho avy, no nanolorana sertifika an’ireo mpiofana 24 mianadahy tamin’ity andiany faha-3 ity izay hirahina hanatanteraka fanofanana kosa an’ireo namany any amin’ny sekoly niaviany avy. Nomena fitaovana pedagojika moa izy ireo hahazoany manatanteraka ny tanjona kinendry dia hanatsarana ny fahaiza-manaon’ny mpampianatra sy hampivoatra ny fomba fampianarana mahazatra any an-tsekoly. Mba hahafahana misitraka vaovao ny fanohizana ny tetikasa novatsian’ny “Departement Missionnaire Suisse – Echange et Mission” vola dia hotanterahina amin’ny telo volana voalohany ny taona 2017 ny fanombanana ny zava-bita teo aloha.

Ntsoavina Evariste