Finoana

Partagé sur :
• facebook

Matetika mandalo eto Madagasikara aho hatramin’ny 2015, hoy ny mpaminany Kaongoley, Dieu Benis Chylhe.

Tonga eto indray aho ankehitriny, hoy izy, noho ny antson’Andriamanitra naniraka ahy hanangana vahoakan’ny faminaniana eto Madagasikara. Miara-miasa matetika amina fiangonana aho teo fa amin’ity indray mitoraka ity kosa dia naniraka ahy Andriamanitra mba hanatanteraka fihaonana manokana amin’ny vahoaka Malagasy hitsanganan’izay vahoakan’ny faminaniana izay. Hanomboka izany ny hetsika “Samedi miracle” ho tontosaina eny Behoririka ny 25 jona izao. Araka ny voasoratra ao amin’ny bokin’I Jaona 11:40 hoe “Raha mino ianao dia ahita ny voninahitr’Andriamanitra.” Tenin’I Jesoa tamin’ny fananganana an’I Lazariosy izay efa maty 4 andro io nefa natsangany. Naniraka ahy ao anatin’izao fankalazana ny 62 taona niverenan’ny fahaleovantenan’I Madagasikara izao Andriamanitra mba tsy ho kivy fa asan’I Satana ny fanakiviana. Miantso ny malagasy tsy ho kivy aho fa tsy maintsy ho avy ny fotoana hiankina amin’I Madagasikara I Afrika manontolo. Tsy fantatro hoe rahoviana fa ny hafatra nomena ahy fotsiny ho tsara lavitra ny rahampitso. Diniho tsara fa toy ny basy poleta ny endriky I Afrika kanefa I Madagasikara dia etsy am-pita satria I Madagasikara no bala hitifiran’I Afrika ny tsy mety ataon’ny firenen-kafa atsy ho atsy. Tsy hijanona eto Antananarivo ny hetsikay, hoy hatrany izy, fa nirahana hitondra izany hafatra izany manerana ity nosy ity izahay.
J. Mirija
 

Tia Tanindrazana

Samia mijoro ho an'i Gasikara.