Finoana

Mompera Remi Rahajarizafy Nivoaka ny boky andiany manaraka

Finoana
Alakamisy 14 Desambra 2017

Navoaka tamim-pomba ofisialy ny talata hariva teo teny Ankorondrano ireo boky nosoratan’i Mompera Remi Rahajarizafy notontosain’i Mompera Justino Bethaz.

Nosafidiany manokana ity mpanoratra malagasy iray ity noho izay nandalina ny maha malagasy teo amin’ny fiainany tamin’ny alalan’ireo asa sorany namohafoha ny soatoavina malagasy sy ny fihavanana ary ny fanomezana hasina ny aina. Tanjona ny mba hahafahana mahatsiaro an’i mompera Remi Rahajarizafy hiatrehana ireo zava-misy ianantsika amin’izao eny anivon’ny fiarahamonina. Amin’ny ankapobeny, very tanteraka ny kolontsaina Malagasy noho ny fakantsika tahaka be fahatany ny kolontsaina vahiny. Notsindrian’i Mompera Fulgence Ratsimbazafy fa tsy hita taratra intsony ny firahalahiana sy ny fifankatiavana eo amin’ny samy Malagasy, antony mahatonga izao fahantrana be mianjady amin’ny firenena izao. Nosinganiny manokana ny halatra taolam-paty izay tsy azo heverina ny fisiany eto amintsika arahin’ny vono olona. Ny hahafahana manitsy ny mpiara-belona, hiverin-dalana ka hanaja ny soatoavina malagasy no tanjona.