Finoana

Mompera Paul Harbert Nanao taratasy misokatra ho an�ny Papa Beno�t XVI

Finoana
Alatsinainy 07 Jona 2010

Nanoratra taratasy misokatra ho an’ny Papa Ray Masina, Benoît XVI, any Vatican ny mompera Paul Harbert, avy any Massachussets Etazonia manoloana ny nanomezan’ny Nonce Apostolika na Solontenan’ny Papa Ray Masina eto Madagasikara, ny taratasy manendry azy hiasa eto Madagasikara. Notanisain’ity raimandreny am-panahy ity tao anatin’ilay taratasy avokoa ny zava-misy eto Madagasikara nataon’ny FAT toy ireo antsojay natao tamin’ny protestanta FJKM kanefa dia tsy niloa-bava ny katolika nanoloana ireny. Nangataka tamin’ny Vatican àry ity pretra ity mba hanazava amin’ny Vahoaka malagasy sy ny Kristianina ny antony nankatoavan’i Vatican ny fahefana eto amintsika izay azo avy amina fanonganam-panjakana. Marobe mantsy no mihevitra amin’izao fotoana izao, hoy ny mompera Paul Harbert fa toa manararaotra ny zava-misy ka zary lasa manao zinona ary manimba ny «intégrité», maha izy azy ny fiangonana katolika. Namaranany ny taratasiny dia nangataka tamin’i Vatican ity pretra katolika ity mba hanambara fa tsy mitombina izany.

Nangonin’i Soa