Finoana

Mirongatra ny halatra lakolosy Mangina be ny Fanjakana

Finoana
Zoma 12 Aogositra 2016

Mirongatra be ny halatra lakolosy tato ho ato. Mila ho isan�andro no andrenesana trangana fanafihana finangonana hangalarana lakolosy, saika manerana ny Nosy mihitsy. Ireo Fiangonana mivondrona eo anivon�ny FFKM no tena lasibatra amin�izany, indrindra ny Fiangonana katolika.

Ny alin’ny alarobia 10 aogositra teo, tany Fihaonana Tsiroanomandidy dia lasan’ny jiolahy ny lakolosim-piangonana. Dimy andro talohan’io, tao Andranovory-Toliara II, notafihin’ny jiolahy mitam-basy ny alin’ny sabotsy 4 aogositra ny mompera katolika mba hangalarana lakolosy roa nampirimina tao an-tranony. Naratra mafy teo amin’ny tratra ilay mompera, ary notsaboina tao amin’ny hopitaliben’i Toliara. Miezaka ihany ny kristianina mampirina na manafina ny lakolosim-piangonana saingy tsy afa-manoatra manoloana ireo jiolahy mitam-basy. Mampametra-panontaniana ny maro ny fahanginan’ny Fanjakana, na dia efa mampiteny ny moana aza ny zava-misy.

Jean D.