Finoana

Mgr Paolo Rocco Gualtieri Voatendry ho �Nonce apostolique� eto Madagasikara

Finoana
Talata 14 Aprily 2015

Manankarem-baovao ny finoana katolika eto Madagasikara. Notendren�i Papa Fran�ois omaly ho solontenany (Nonce apostolique) eto Madagasikara i Mgr Paolo Rocco Gualtieri.

Teraka tamin’ny 1961 tany Supersano (Italia) ity Eveka ity, 54 taona, ary nohamasinina ho pretra tamin’ny 1988. Izy no handimby toerana an’i Mgr Eugène Martin Nugent, izay voatendry hiasa teto Madagasikara, sady misahana an’i Maorisy, Seysela, Kaomoro ary La Réunion, tamin’ny febroary 2010. Tamin’ny sabotsy 11 aprily teo dia notendren’i Papa François ho Evekan’Ambatondrazaka handimby toerana an’i Mgr Antoine Scopelliti, izay nandeha nisotro ronono noho ny fahanterany, i Mgr Jean de Dieu Raoelison, izay Eveka mpanampy tato amin’ny Arsidiosezin’Antananarivo.

Jean D.