Finoana

Partagé sur :
• facebook

Nanao veloma farany ny Malagasy sy ireo mpankafy azy rehetra, omaly, tetsy amin’ny California Andraharo ny “Apostoly” Marc Tatandraza.

Tsy tantiko intsony ny antsojay sy ny fanenjehana mahazo ahy ka dia hitalaho amin’Andriamanitra aho mba hampodiany any amin’izay. Ny hitory filazantsara sy hamonjy fanahin’olona no iraka nampanaovin’Andriamanitra ahy teto ambonin’ny tany kanefa amin’izao fotoana izao dia misy manambitamby ahy hiditra amina raharaha politika. Izaho koa tsy mahaverina any am-ponja intsony fa tsy zakako ny fijaliana tany. Tsy mbola nanao ratsy ary tsy mbola nilalao vehivavy ity mpitondra fivavahana ity ary na ireo mpitandro ny filaminana aza nangatahany porofo ny amin’ny antony tokony hanenjehana saingy tsy nahita. Anisan’ny raharaha faramparany nahasaringotra ny tenany moa ny fifanolanana nisy teo aminy sy ny fiangonana FKM tao Soanierana Ivongo. Nomarihany kosa fa hivoaka ato ho ato mialoha ny andehanany ny rakitsary sy rakipeo ahitana ny tondrozotra ho an’izay handimby ny asany eto an-tany. Niteraka adihevitra be hatry ny omaly ity resaka Marc Tatandraza ity, hoe olona tena matotra marina ve sa manao sinema sa tsy salama saina kely sa nanao tsy mety ka manomana ny fitsoahany ? Hafahafa ihany raha mpitarika fivavahana no matahotra fanenjehana. Milaza izy fa lolo sy matotoa kanefa mbola milaza fa matahotra ny ho faty. Misy zavatra tsy mitombina ihany ilay fanambarana ho an’ireo mandinika tsara.

J. Mirija

Tia Tanindrazana

Samia mijoro ho an'i Gasikara.